Семинарлар - "Б.Жұмалиев атындағы ЖББМ" КММ

"ХИМИЯ, БИОЛОГИЯ САБАҚ ПРОЦЕСІНДЕ ФУНКЦИОНАЛДЫҚ САУАТТЫЛЫҚ ТАПСЫРМАЛАРЫ" ТАҚЫРЫБЫНДА АУДАНДЫҚ СЕМИНАР ӨТТІ.

3 мамыр күні мектебімізде «Химия, биология сабақ процесінде функционалдық сауаттылық тапсырмалары» тақырыбында аудандық семинар өтті. Семинарға ауданның биология, химия пәндерінің мұғалімдері қатысты.

Семинарда мектебіміздің биология пәні мұғалімі Жанұзақова Толқын Айтбайқызы “Биология сабақ процесінде функционалдық сауаттылық тапсырмалары” тақырыбында өз іс-тәжірибесімен бөлісті.

https://www.facebook.com/100022355473500/videos/965750671730838/

МЕКТЕПТЕГІ ГЕОГРАФИЯ ПӘНІН ОҚЫТУДЫҢ ЖЕТІЛДІРІЛГЕН ӘДІСТЕРІ" ТАҚЫРЫБЫНДА СЕМИНАР ӨТТІ.

23 ақпан 2024 жылы «Б.Жұмалиев атындағы жалпы білім беретін мектеп» базасында география пән мұғалімдеріне арналған «Мектептегі география пәнін оқытудың жетілдірілген әдістері» тақырыбында семинар өтті. Семинарды спикерлер оқушылармен бірлесе отырып, десант сабағы түрінде көрсетті. 8- сыныпқа Е.Айшуақұлы атындағы мектептің география пән мұғалімі Бақытжанова Фариза «Демографиялық проблемалар» тақырыбында сабақ өткізіп, оқушыларға демографиялық проблемаларды анықтай отырып халықтың өсу кему типтерін анықтауды үйретті. Сабақты өз деңгейінде өткізілді. 9-сыныпқа С.Жанғабылов атындағы мектептің география пән мұғалімі Орынбасарова Гулзада «Урбандалу үрдісі» тақырыбында сабақ өткізді. Сабақта урбандалу үрдісінің себеп салдарын түсіндіре отырып, топтық жұмыс арқылы артықшылығы мен кемшілігін «Квест» ойыны арқылы урбандалуға қатысты сұрақтарға жауап берді. Сабақ жоғары дейгейде өткізілді. Екі спикер де орталықтың Алғыс хатымен марапатталды.

«БІЛІМ БЕРУДЕ ҚОЛДАНЫЛАТЫН САНДЫҚ ТЕХНОЛОГИЯЛАРДЫҢ ТИІМДІЛІГІ»

2024 жылдың 30-қаңтар күні «Б.Жұмалиев атындағы ЖББМ» КММ-де жетекші мектептер арасында «БІЛІМ БЕРУДЕ ҚОЛДАНЫЛАТЫН САНДЫҚ ТЕХНОЛОГИЯЛАРДЫҢ ТИІМДІЛІГІ» атты аудандық семинар болып өтті.

Семинардың мақсаты: Оқушыны қазіргі қоғам сұранысына сай өзінің өмірлік іс-әрекетінде дербес компьютердің құралдарын

қажетті деңгейде пайдалана алатындай жан — жақты дара тұлға етіп тәрбиелеу. Семинарға «Шетпе гимназиясы» КММ және «Өтес ЖББМ» КММ мұғалімдері қатысты. Семинар барысында педагог-сарапшы Байназарова Маржан 7-сыныпқа ағылшын тілінен «Entertaiment and media», педагог-сарапшы Қызықбаева Гүлсім 3-сыныпқа әдебиеттік оқу пәнінен «Шебердің қолы ортақ», педагог Қабиев Асылбек Қазақстан тарихы пәнінен «Қазақстан Республикасының жариялануы» тақырыптарында шебер-сабақтар көрсетті. Сондай-ақ, педагог-сарапшы Ерболова Раушан «Білім берудегі ақпараттық технологияландырудың тиімділігі» атты баяндама жасады. Педагогикалық ұжымның психологиялық ахуалын қалыптастыру мақсатында мектептің жас психологы Маханбет Жанаргүл мұғалімдерді өзара сыйластыққа, ынтымақтастыққа шақыра отырып, тренинг-ойындар арқылы семинарға қатысушы мұғалімдердің көңіл-күйін сергітіп тастады.

Семинар соңында өткізілген жұмыстар қорытындыланды, ұсыныстар айтылды. Сабақтары ұйымдастырылуы жағынан, әдістемелік шеберліктері бар ұстаздар екенін көрсетті. Жалпы семинар жұмысы мен ұстаздар еңбегінен үлгі алар тұстары көп болды.

Шетпе Гимназиясы Кмм

Өтес Орта Мектебі

https://www.facebook.com/100022355473500/videos/1188382635467793/

“Ғылыми жобаны жазу және рәсімдеу талаптары”

Әдістемелік жоспарға сәйкес 17 қаңтар күні Б.Жұмалиев атындағы жалпы білім беретін мектебінде “Ғылыми жобаны жазу және рәсімдеу талаптары” тақырыбында семинар болып өтті.

Мақсаты: Оқушыларды өздігінен білім алуға ынталандыру, ізденіске баулу болып табылады. Оқушылардың ғылыми жұмыспен айналысуы, болашақта өз ойын барлық жерде еркін айтып, жаңа жетістіктерден көрінуіне ықпал ету. Дарынды да, қабілетті оқушыларды ғылымға баулып, ғылым арқылы егемендігімізді нығайтуға үлес қосу.

8 желтоқсан айында ғылыми жоба конкурстары бойынша М.Атымов мектебінде аудандық семинар өткен болатын. Бұл семинарда Ақтау қаласынан Дарын орталығың мамандары келіп өткізді. Мектебімізден 12 мұғалім қатыстырылды. Осы аудандық семинардан алған тәжірибелерін педагогтардың алған кәсіби құзіреттерін оқу процесінде қолданып, оны әріптестерімен бөлісу болды.

Семинар басында мектеп директоры А.Тажмаганбетова алғы сөз алып ғылыми конкурс туралы айтып өтті. Мектепшілік семинарымызда Заңғар-Асу қоғамдық қорының жетекшісі, ардагер ұстаз Дүйсенбаева Аққалам Үркімбайқызы өз іс-тәжірибесін бөлісіп, және ауданық оқу-әдістемелік орталығынан Ұзақбаева Ақмарал келіп қатысты.

Семинар барысында:«Ғылыми жобаны жазу рәсімдеу және талаптары» Г.Дабысова мен С.Буркитбаева, «Дұрыс мамандықты қалай таңдаймыз» А.Қабиев пен Ж.Махамбет , «Орыс тілінен ғылыми жобаға дайындау әдістері» Б.Баймаганбетова мен Ж.Султанова, «Оқушыларды техникалық және шығармашылық және өнертапқыштар байқауларына дайындаудың әдістері» Г.Тумышева мен Ж.Каниева, «Математикадан олимпиадаға дайындық» А.Умбетова мен С.Қаржауов өз тәжірибелерімен бөлісіп, кері байланыс жасады. Ғылыми конкурстар мен пәндік олимпиадаларға оқушыларды дайындау жолдары тақырыбы аясында пікір алмасу болды. Семинар соңын директордың бейін ісі жөніндегі орынбасары С.Буркитбаева қорытындылады.

https://www.facebook.com/100022355473500/videos/1431776354043251/

«Заманауи мектепті басқару: трендтер және болашақ» тақырыбында өткен республикалық форум.

Оқу-ағарту министрлігі

ҚР Оқу-ағарту министрлігінің ұйымдастыруымен Ақтөбе қаласындағы Smart bilim мектеп-гимназиясы базасында 2024 жылдың 03 ақпанында Ақтөбе, Атырау, Маңғыстау және Батыс Қазақстан облыстары мемлекеттік мектептері директорларының қатысуымен «Заманауи мектепті басқару: трендтер және болашақ» тақырыбында табысты басқару тәжірибесімен бөлісу, алдағы кезеңге проблемалық бағыттарды және міндеттерді айқындау мақсатында өткен республикалық форумында білім беру саласындағы өзекті мәселелер талқыланды.

TEDx форматындағы интерактивті сессияға Оқу-ағарту министрі Ғани Бейсембаев қатысты. Еліміздің бас ұстазы отандық білім беру жүйесін дамытудың маңызды аспектілеріне тоқталып, кадрлық әлеуетті арттыруға ерекше көңіл бөлінетінін атап өтті. Жиынға қатысушыларға білім беру саласындағы бақылау және мониторинг іс-шараларының қорытындылары және биылғы жылға арналған жоспарлар, атап айтқанда:орта білім беру мәселелері, білім беру сапасын арттыру, инклюзивті және арнайы білім беруді дамыту, цифрландыру, балалардың құқықтарын қорғау және олардың қауіпсіздігін қамтамасыз ету, тәрбие жұмысының бірыңғай Тұжырымдамасын іске асыру, PISA — 2022 нәтижелері және алдағы басымдықтар, педагогтерді аттестаттау мәселесіндегі жаңашылдықтар туралы айтылды.

Мыңға жуық мектеп басшылары қатысқан кездесуде диалог алаңы ашылып, әріптестеріміз толғандырып жүрген көкейдегі сұрақтары мен ұсыныстарын ортаға салды.

#директорларфорумы2024

#форумдиректоров2024