Назад
Далее
Жаңалықтар
“Б.Жұмалиев атындағы ЖББМ” КММ-де “Біртұтас тәрбие” бағдарламасының жоспарына сәйкес 15 қараша – Валюта күніне арналған сынып сағаттары өткізілді. Бұл күннің маңызы – теңгенің экономикадағы рөлі мен оның халықаралық саудадағы орны туралы ақпарат беру. Валюта – елдің ақша бірлігі, ол ұлттық экономика үшін маңызды құрал болып табылады. Әлемде түрлі валюталар бар, және олардың айырбасталу бағамдары халықаралық сауданың негізін құрайды.
Бұл күні өткізілген сынып сағаттары оқушыларға қаржылық сауаттылықты арттыруға, сондай-ақ валютаның экономикадағы маңыздылығын түсінуге көмектесті.
Назад
Далее
» Алтын күз» сайысы
Күзгі каникул күндері 7-11 сынып оқушыларына «Алтын күз» сайысы өткізілді.
Сайыстың шарттары:
1. Таныстыру
2. «Күзгі вальс» биі
3. «Өнерің өрге жүзсін!»
4. Сән үлгісі және шаш үлгісі
5. Күзгі өнімдер және экибана
Сайыс қорытындысымен жеңімпаз сыныптар марапатталды.
25 қазан- Республика күні мерекесіне орай жасақталған «Қазақстан- Республикам менің» апталығының іс-шара жоспары бойынша ДТІЖО- Г. Серикова 8 сынып оқушыларымен және аудандық орталық кітапхана қызметкерлерімен бірге «Тұғыры биік-Қазақстан» тақырыбымен мерекелік кеш өткізді.
Мақсаты: оқушыларға Қазақстан Республикасы туралы әңгімелеу, балалардың ой-өрісін дамыту, еліне, жеріне, Отанына деген сүйіспеншіліктерін арттыру.
25-ҚАЗАН РЕСПУБЛИКА КҮНІ
Республика күніне орай мектеп оқушылары на “Ұлттық нақыштар менің мақтанышым” атты сынып сағаттары өткізілді.
Маңғыстау Аудандық Білім Бөлімі
Маңғыстау Ауданы Оқу-әдістемелік Орталығы
25-қазан Республика күніне орай «Республикам-мақтанышым!” тақырыбында мектепте жиын өтті.
Мақсаты: Оқушыларды Қазақстан Республикасының әрбір азаматын қадірлеуге, елі мен жеріне құрметпен қарауға тәрбиелеу.
«Б.Жұмалиев атындағы жалпы білім беретін мектеп» КММ-нің кітапханасында 24-қазан кітапханашы күніне орай кітапханашы Ж.Тулегенова мен ұйымдастырушы педагог Т.Әлібаева «Кітапхана-күн шуағы білімнің» тақырыбында дөңгелек үстел өткізді. Шараға бастауыш сынып оқушылары қатыстырылды. Оқушылар күнделікті оқып жүрген ертегі, әңгімелеріне талдау жасау арқылы сұрақтарға жауап беріп, белсенді қатысты. Оқушылар дипломмен марапатталды.
Мақсаты: Кітаптың адамзатқа пайдасы көп. Кітапхананың әрбір кітабын оқырманға насихаттау. Кітапханаға оқушылар келіп, қажетті кітабын жазғызып алып отырады, білімдерін толықтырады. Ертегілер арқылы оқушылардың кітапқа деген қызығушылығын ояту, кітап оқуға қызықтыру. Кітапхана өмірімен таныстырып, кітапты құрметтей білуге баулу.
Халық қаһарманы Р.Қ. Қошқарбаевтың 100 жылдық мерейтойына байланысты 14 қазан күні “Рахымжан Қошқарбаев. Рейхстагқа тіккен ту” тақырыбында біріңғай сынып сағаттары өткізілді. Сынып сағаттарында оқушыларға Ұлы Отан соғысына қатысқан батырларымыз, олардың жасаған ерліктері айтылды. Оның ішінде Рейхстагқа дейін 360 драмалық қадам жасаған және Жеңіс туын алғаш көтерген аңызға айналған тағдырдың адамы Рахымжан Қошқарбайұлы Қошқарбаевтың есімі лайықты орын алады. Батырларымызды ұмытпай ұлықтап жүру дәріптелді.
Назад
Далее
1 маусым-Халықаралық балаларды қорғау күніне арналған іс-шаралар
Балаларды қорғау дегеніміз — әрбір сәбидің тыныштығын қорғау, тәтті ұйқысын бұзбау, алаңсыз күлкісін тоқтатпау деген сөз. «КІТАП-АЛТЫН САНДЫҚ, ІШІ ТОЛҒАН ҚАЗЫНА ҚҰТ» атты көрмесі оқушыларға таныстырылды.
Арманы бір, үні бір
Аға ардақты, іні гүл
Бақыт туын көтерген
Балалардың күні бұл
Мақсаты: «Балаларды қорғау күні» туралы түсініктерін бекіту. Ойын — сауықта өлең айтып, би билеу арқылы белсенділіктерін арттыру. Балаларды өзін құрметтеуге, әлеуметтік мәнділік сезімін, жеке тұлға ретінде көрсете білуге үйрету.
Назад
Далее
1 маусым-Халықаралық балаларды қорғау күніне арналған іс-шаралар
27 мамыр -1 маусым аралығында Халықаралық балаларды қорғау күні аясында «Балажан»Ата-аналардың еріктілік қызметі науханына және «Балаларды махаббатпен қорғайық!» атты республикалық акциясын өткізу шеңберінде «Алтын балақ шақ» декадасының іс-шаралар жоспары аясында «Балдәурен» жазғы сауықтыру алаңының балаларына арналған «Біз бәріміз балалық шақтарданбыз» көңілді старт ойындары өткізілді.
Мақсаты: өскелең ұрпақтың рухани және физикалық дамуына жәрдемдесуде қоғамның тұрақты назарын аудару .
Назад
Далее
"Балажан: ата-аналардың еріктілік қызметі
27 мамыр -1 маусым аралығында Халықаралық балаларды қорғау күні аясында «Балажан: ата-аналардың еріктілік қызметі науханына сай МАД тобы оқушыларына мерекелік концерт ұйымдастырылды.
Мақсаты: қолайлы білім беру ортасын қалыптастыруда ата-аналар мен мұғалімдердің тығыз қарым-қатынасын арттыру және ата-аналардың еріктілік қызметін ұйымдастыру.
Назад
Далее
2023-2024 оқу жылына арналған оқулықтарды тапсыру
Жыл сайынғы дәстүрлі үрдіс бойынша оқу жылының аяқталуы сыныптардың кітап жинауымен жалғасады. Оқулық тапсыру туралы кестесі алдын-ала жасақталды. Оқушыларға оқулықты тапсырарда жыртылған жерлері болса желімдеп, түптеу міндеттелді. Барлық оқулық таза күйінде қаралып жинақталды.
Оқулықтарды уақытында жинақтап тапсыру. Оқушылардың кітапқа деген құрметін арттырып, келесі де ұқыпты, таза ұстауға баулу.
Маңғыстау Аудандық Білім
Маңғыстау Ауданы Оқу-әдістемелік Орталығы
Маңғыстау облысының білім басқармасы
"Білімім -Отаныма" тақырыбындағы жалпыреспубликалық бірыңғай тәрбие сағаты
Мектебімізде 24 мамыр күні жалпыға бірдей 1-11 сыныптарда “Білімім Отаныма” атты бірыңғай тәрбие сағаттары өткізілді. Сынып сағаттары ҚР Мемлекеттік Гимнін орындаудан басталып, ҚР Оқу-ағарту министрі Ғ. Б. Бисенбаевтың құттықтау сөзімен жалғасты.
“Білім – адам өмірінің ең маңызды құндылығы, әрі Отанымның жарқын болашағының кепілі. Ол арқылы адам өз мүмкіндіктерін ашады, дүниетанымын кеңейтеді және қоғамда өз орнын табады. Білімді ұрпақ – елдің гүлденуіне, экономикасының дамуына, мәдениеті мен ғылымының өркендеуіне үлес қосады.»
Маңғыстау Аудандық Білім Бөлімі
Маңғыстау Аудандық Үйлестіру Орталығы
"Білімім -Отаныма" тақырыбындағы жалпыреспубликалық бірыңғай тәрбие сағаты
2024 жылдың 24 мамыр күні «Білімім-Отаныма» жалпыреспубликалық бірыңғай тәрбие сағаттары өткізілді.
Мақсаты: балаларды ұстаздарды қрметтеуге, білім ұясына қамқор болуға, білім алуға құштар болуға, жыл бойы алған білімінің нәтижесін қорытындылай білуге тәрбиелеу;
Тәрбие сағаты Қазақстан Республикасының Әнұранымен басталып, Қазақстан Оқу-ағарту министрінің жалпыреспубликаның білім алушыларына құттықтау сөзін тыңдаумен жалғасты. Сынып жетекшілері жыл қорытындысымен жетістікке жеткен оқушыларды марапаттап, әр баланың жақсы қасиеттері, үлгілі істеріне назар аударылды.
Ал 9, 11 сынып түлектері «Мен. Мектеп. Ұстаз» тақырыбымен мектеп қабырғасындағы балалық шақтан болашаққа қадамы туралы өз ойларынан эссе жазды.
Назад
Далее
«Каникулда кітап оқиық»
2024 жылдың мамыр айының 17 күні Б.Жұмалиев атындағы жалпы білім беретін мектеп кітапханасында «Каникулда кітап оқиық» атты буккроссингі ұйымдастырылды. Мектеп оқушылары өздерінің оқыған кітаптарын «Кітап алмасу» бұрышына сыйға тартты.
Мақсаты: Барлық кітаптардың өз оқырманын табуға көмектесу, өзгелермен бөлісіп, кітабымен алмасу арқылы, оқырмандардың кітапқа деген қызығушылығын ояту, рухани мәдениетін көтеру.
"Мен үшін отбасым - асыл қазына" тақырыбындағы эссе
15 мамыр-Халықаралық отбасы күніне орай оқушылар «Мен үшін отбасым — асыл қазына» тақырыбында эссе жазды.
Мақсаты: отбасының қадыр-қасиетін ұғындыру, отбасындағы бауырларымен арасындағы қарым-қатынасты нығайту, татулыққа, ауызбіршілікке тәрбиелеу.
Назад
Далее
Қыз балалармен өткізлген дөңгелек үстел
«Қызғалдақ» қыздар ұйымының іс-шара жоспарына сай «Ерте жүктіліктің алдын алу» тақырыбымен дөңгелек үстел ұйымдастырылды.
Дөңгелек үстелге мектеп медбикесі-М.Аженова, ДТЖО-Г.Серикова және педагог психолог-Ж.Махамбет қатысты.
Мақсаты: қыз балаларға ерте жүктілік туралы түсінік беру және оның алдын алу, қыз балаларды ерте жүктіліктен сақтандыру, ақпарат, ақыл-кеңес беру.
Мектеп медбикесі М.Аженова ерте жүктіліктің қауіпті екендігі туралы бейнебаян көрсетіп, оқиға туралы түсіндірді.
Педагог психолог-Ж.Махамбет «Қазақ психологиясындағы қыз баланың ерекшелігі» тақырыбымен кеңес берді.
15 мамыр - Халықаралық отбасы күні
Отбасы-шағын мемлекет. Мемлекеттің болашағы-әр отбасының іргесінің мықты болуына байланысты.
15 мамыр — Халықаралық отбасы күні мерекесіне орай 7 сынып оқушыларының отбасылары арасында «Менің отбасым» атты спорттық сайыс өткізілді.
Мақсаты: отбасының бірлігін, татулығын, ауызбіршілігін нығайту.
Сайысқа Руслановтар отбасынан «Қыран-7 а» тобы, Қыдырбаевтар отбасынан «Жалын» тобы, Қазбековтер отбасынан «Қыран -7 б» тобы қатысты.
Әділ қазылар алқасының қорытындысы бойынша 7 бөлімнен тұратын спорттық сайыстың жеңімпаздары анықталды.
3 орынды Руслановтар отбасы, 2 орынды Қыдырбаевтар отбасы, 1 орынды Қазыбековтер отбасы иеленді.
1 орынға- 10 000 теңгенің сертификаты, 2 орынға -7 000 теңгенің сертификаты, 3 орынға-5 000 теңгенің сертификаттары табысталды.
Сайысқа қатысқан отбасы мүшелеріне ақшалай сыйлық сертификатымен қолдау көрсеткен кәсіпкер мұғалімдер-Бөбетай Табиғатқа, Тілекова Гүлбаянға және Оразымбетова Іңкәрға мектеп әкімшілігі өз ризашылығын білдіріп, алғысын айтады.
15 мамыр - Халықаралық отбасы күні
15 мамыр — Халықаралық отбасы күні құтты болсын! Әр жанұяда татулық, бірлік, ынтымақ, сыйластық, береке болсын!
Назад
Далее
"Нашақорлық - қоғам дерті" тақырыбымен өткізілген кездесу!
2024 жылдың 14 мамыр күні «Берекет Жұмалиев атындағы ЖББМ» коммуналдық мекемесінде Маңғыстау аудандық прокуратура прокуроры-Жұбатыров Сержан Баянбайұлының , Маңғыстау ауданы бойынша білім бөлімі
«Оқу -әдістемелік орталығының» тәрбие бойынша әдіскері-Базарбай Ақсаяттың, Маңғыстау аудандық полиция бөлімі Жергілікті полиция қызмет бөлімшесі ювеналдық полиция кәмелетке толмағандар жөнінде инспекторы, полиция лейтенанты — Кенжеахметова Салтанат Муратовнаның және ДТЖО- Г.Серикованың қатысуларымен «Нашақорлық — қоғам дерті» тақырыбымен 10-11 сынып ұлдарымен кездесу өткізілді.
Мақсаты: жасөспірімдерді нашақорлықтан сақтандыру, есірткі, психотроптық заттарды тасымалдау мен пайдаланудың қауіпті салдары туралы түсіндіру.
Оқушыларға есірткіден сақтану туралы Маңғыстау облысының прокуратурасы мен Маңғыстау облысы полиция департаментінің, Маңғыстау облысы қылмыстық атқау жүйесінің дайындаған «Нашақорлық — қоғам дерті» атты видеоролигі көрсетілді.
Назад
Далее
7 мамыр - Отан қорғаушылар күні! 9 мамыр - Ұлы Жеңіс күні!
7 мамыр — Отан қорғаушылар күні, 9 мамыр-Ұлы Жеңіс мерекелеріне орай «Менің бақытым-менің Қазақстаным!» тақырыбымен мерекелік музыкалық мектепшілік линейка өткізілді.
Мақсаты: Отанға адал, елге қайырымды, бейбітшілік сөзінің қадірін білуге тәрбиелеу.
9 мамыр-бүкіл дүние жүзі бойынша үлкен мейрам. Отан үшін от кешіп, соғыстың қанға бөккен даласында қайсарлықпен шайқасқан, Жеңістің туын желбіреткен, Ұлы Отан соғысының ардагерлері үшін ерекше мейрам.
"Түлектердің ағаш егу" челленджі
6 мамыр — «Таза Қазақстан» экологиялық акциясын қолдау мақсатында «Түлектердің ағаш егу» челленджі ұйымдастырылды
Мемлекет басшысы Қ.Қ.Тоқаевтың «Өскелең ұрпақты жалпыадамзаттық және ұлттық құндылықтар негізінде тәрбиелеу, ұлт сапасы мен мәдениетін арттыру «Таза Қазақстан» экологиялық акциясын қолдау мақсатында 9, 11 сынып оқушылары челленджге қатысты.
Мақсаты: мектеп түлектеріне ағаш отырғызуға атсалысу арқылы аумақты көгалдандыруға, экологиялық жағдайды жақсартуға, климаттың өзгеруіне қарсы тұруға және салауатты өмір сүру ортасын қалыптастыруға ықпал ету, оқушылардың экологиялық сана-сезімдерін дамытуға ықпал ету, олардың қоршаған ортаға дегшен жауапенршілігін арттырып, табиғатты аялауға үйрету, табиғатты қорғаудың маңыздылығын ұғындыру.
Челленджде 11 сынып оқушылары табиғатты қорғау туралы өлең шумақтарын , тілектерін айтып, жас шыбықтарды мектеп ауласындағы баққа отырғызды және осы отырғызылған жас шыбықтарды күтіп баптауды, қарауды 9 сынып оқушыларына аманат етіп тапсырып, челленджді 9 сынып оқушыларына жолдады.
«Түлектердің ағаш егу» челленджі
#ТазаҚазақстан#Түлек2024
#ЖерЕлшілері#Амбасадорыземли
Назад
Далее
“Маңғыстау жастары бірлікте”!
Жасөспірімдердің арасындағы құқықбұзушылықты болдырмау, алдын алу прокуратура органдарының басым бағыттарының бірі.
1-мамыр “Қазақстан халқының Бірлігі күніне” орай Маңғыстау ауданы прокуратурасының ұйымдастыруымен аудан жастары арасындағы бірлік пен татулықты нығайту мақсатында футзалдан “Маңғыстау жастары бірлікте” атты мектепаралық турнир өткізілді.
Үздік ойын көрсеткен ойыншылар мен жүлдегерлерге кубоктар мен грамоталар және ақшалай сыйлықтар табысталды.
"Бірлік, Жасампаздық", "Мамыр - ынтымақ айы"!
1 Мамыр — Қазақстан Халықтарының бірлігі күні мерекесі аясында оқушылар «Бірлік, Жасампаздық», «Мамыр — ынтымақ айы» тақырыптарында диктант, эссе жазды
Мақсаты: Қазақстан халқының бірлігін нығайту, жастарды достықпен ынтымақтастықта өмір сүруге тәрбиелеу, оқу сауаттылығын арттыру.
Назад
Далее
"Даналық мектебінің" "Әже даналығы" секциясы бойынша "Ырым-тыйым-әдептілік негізі" тақырыбымен өткізілген дөңгелек үстел
26 сәуір күні С.Қондыбаев атындағы аудандық мұражайда «Даналық мектебінің» «Әже даналығы» секциясы бойынша «Ырым-тыйым-әдептілік негізі» тақырыбымен 9,10,11 сынып қыз балаларына дөңгелек үстел өткізілді.
Мақсаты: халқымыздағы әдептілікке бастау болған ырымдар мен тыйымдардың мәнін ашып, берілетін білім арқылы жас ұрпақтың ұлттық мәдениетін қалыптастыруға бағыттау.
Дөңгелек үстелді модератор 11 а сынып оқушысы-Оралбекқызы Нұрзада жүргізді.
Дөңгелек үстелге әжелер: Бердіғұлова Тілектес, Әбитова Ақерке, Ілиясова Маржан, Бөкембай Оңайгүл әжелер шақырылып, Маңғыстау аудандық Ішкі саясат және тілдерді дамыту бөлімінің басшысы: Ж.Молдашева қатысты.
-Әдептілік дегеніміз не?
-Ырым әдепке негіз бола ала ма?
-Тыйымдар не үшін қажет?- деген сұрақтарға жауап берді.
Оқушы қыз балалар қазақтың ырым-тыйымдарымен танысып, өз білген ырым-тыйымдарын ортаға салды.
«Менің сүйікті кітабым» атты республикалық деңгейдегі челленджі
Кітапханашының ұйымдастыруымен «Менің сүйікті кітабым» атты республикалық деңгейде челлендж ұйымдастырылды. Маңғыстау ауданы бойынша білім бөлімінің «Б.Жұмалиев атындағы жалпы білім беретін мектеп» КММ кітапханасында бір ай бойы аталмыш шығарманы оқу үстінде.
Мақсаты: Оқушыларды кітап оқуға шақыру арқылы кітап оқу белсенділігін арттыру. Сөздік қорларын байыту, ауызекі және әдеби тілдерін дамыту. Маңғыстау облысы Қызылорда облысынан жазушы Әбдіжәміл Нұрпейісовтың «Қан мен тер» романын оқуды қабылдап алған болатынбыз. Идеялық жағынан ұқсас мәтіндердің оқиғалар желісін бақылай отырып, мазмұнын түсінеді. Талдау жасай отырып әңгімелейді.
Дүниежүзілік кітап күні!
23.04.2024ж күні кітапханашылардың ұйымдастыруымен 23 сәуір Дүниежүзілік кітап күніне көрме ұйымдастырылды. Көрмеде оқушылардың жасына қарай қиял-ғажайып ертегілері, батырлар жыры, ақындардың түрлі әңгімелері, әдеби кітаптары таныстырылды. Оқушылар сұрақтарға жауап беріп, оқып жүрген кітаптарын талқылады. Бәрімізді білімді, өнерлі болуға тәрбиелеп, талай ғажап істердің құпиясын ашуға көмектесетін ақылдың кені- кітап.
Мақсаты: Оқушылардың кітапқа деген сүйіспеншілігін арттыру. Кітап-ғылым, ол бүкіл әлем баласына керек екенін түсіндіру. Кітапханамыздың айналасына қарасақ, бізді қоршап тұрған кітаптар. Дана халқымыз «Білекті бірді жығады, білімді мыңды жығады» деп айтқандай, бар білімді кітаптан алатынымызды үйрету.
Жат ағымдар туралы не білеміз?
22 сәуір - мектебімізге есімі берілген ғалым, физика ғылымының кандидаты, доцент - Берекет Жұмалыұлы Жұмалиевтің туған күні!
22 сәуір күні мектебімізге есімі берілген Берекет Жұмалыұлы Жұмалиевтің туған күніне орай «Мақтана бер, Маңғыстау, бір ұлыңмен!» атты әдеби сазды бағдарлама өткізілді.
Мақсаты: мектеп оқушыларын мектебімізге есімі берілген ғалым, физика ғылымының кандидаты, доцент —
Берекет Жұмалыұлы Жұмалиевтің өмір жолы, еңбектерімен таныстыру, ғалым ағаның есімін есте сақтау, құрметтеу.
Оқушылар ғалым ағаның өмір жолы, ғылыми еңбектері туралы ақпараттар алып, оқушылардың ғалым ағаға арнаған әндерін тыңдады.
Бағдарлама соңында оқушылар «Ғалымсың, аға!» деп аталатын мектеп маршын орындады.
Ғалымсың, аға, ұстазсың аға,
Қалдырған жатыр іздерің.
Берекет аға, дәуірле алға,
Ұмытпас сені өз елің!
Құқықбұзушылықтың, жол-көлік оқиғаларының, көліктерді басқару, мопед, электронды скутерлерді заңсыз басқарудың алдын алу шарасы
Құқықбұзушылықтың, жол-көлік оқиғаларының, көліктерді басқару, мопед, электронды скутерлерді заңсыз басқарудың алдын алу бойынша Маңғыстау аудандық полиция бөлімі Жергілікті полиция қызмет бөлімшесі ювеналдық полиция тобы кәмелетке толмағандар жөнінде инспекторы, полиция лейтенанты — С.М.Кенжеахметова мен мектеп инспекторы-Ж.Б.Қайырғалиев мектеп оқушыларына түсінік жұмыстарын жүргізді.
Республикалық “Таза Қазақстан” экологиялық акциясы
Республикалық “Таза Қазақстан” экологиялық акциясы аясында “Б.Жұмалиев атындағы ЖББМ” КММ — нің қызметкерлері сенбілік өткізді. Мектеп ауласына тазалық жұмыстары жүргізіліп, қоқыстардан тазартылды.
Республикалық "Таза Қазақстан" экологиялық акциясы
Республикалық «Таза Қазақстан» экологиялық акциясы аясында «Маңғыстау облысы күні» болып белгіленуіне орай, мектебіміздің мұғалімдері мен кіші қызметкерлері сенбілікке шығып, тазалық жұмыстарын жүргізді. Мектеп ауласы, мектеп маңы, бақша іші тазаланды.
Тазалықты өз мектебімізден, өз мекемемізден, өз үйімізден бастайық, достар!
«Үздік оқырман» сайысы
10.04.2024 ж. күні мектеп кітапханашыларының ұйымдастыруымен «Үздік оқырман» сайысы 5,6 сыныптар арасында өткізілді. Сайыста 5 сыныптар Б.Соқпақбаевтың «Менің атым Қожа» повесіне көрініс қойды. Ал, 6 сынып оқушылары Қалмақан Әбдіқадыров Қажымұқан повесі бойынша мазмұндап, кейіпкерлерге талдау жасап, берілген сұрақтарға нақты жауап беріп, белсенді қатысты.
Мақсаты: Білімнің қайнар бұлағы-кітап деп бекер айтпаған. Ал, адамның ойын байытып, сауатын жоғарылатып, білім нәрімен сусындатар кітапхана екенін ұғындыру. Жақсы кітаптың жанға рухани азық болар қасиетін сезіндіру. Кітапты оқығанда бар ынтамызбен, ықыласпен, мұқият, әрі баяу оқуын үйрету.
Құқықбұзушылықтар мен діни экстремизмнің алдын алу туралы кездесу
Сәуір айына арналған құқықбұзушылықтың алдын алу жұмысының жоспарына сай Маңғыстау аудандық полиция бөлімі Жергілікті полиция қызмет бөлімшесі ювеналдық полиция тобы кәмелетке толмағандар жөнінде мектеп инспекторы, полиция лейтенанты — С.М.Кенжеахметованың қатысуымен 9-11 сынып оқушыларымен кездесулер өткізілді.
Мақсаты: Оқушылардың құқық бұзушылығының алдын алу, олардың құқықтық сауаттылығын арттыру, құқық бұзушылық және қылмыстың түрлерімен, белгілерімен таныстыру. Қоғамның заңдары мен нормаларын орындауға, құқықтарын біліп, оны құрметтеуге тәрбиелеу, діни экстремизмнің қаупі, олардың қоғамға әсері туралы түсіндіру, оқушылардың діни ой-санасының дұрыс қалыптасуына бағыттау.
Әр сыныптағы кездесу соңында оқушылардың көкейіндегі сұрақтарына жауап берілді.
Назад
Далее
Ата-аналарды педагогикалық қолдау сабағы
Ата-аналарды педагогикалық қолдау бағдарламасы бойынша 1 — 4 сынып оқушыларының ата-аналарына бастауыш сынып жетекшілері М.Шәуенова мен Г.Қызықбаева педагогикалық қолдау сабағын өткізді.
Мақсаты: мектептің оқу процесіне сәтті бейімделуі үшін бағдарламалардың когнитивтік дағдыларын дамытуға ата-аналардың дайындығын қалыптастыру.
Назад
Далее
"Күй күмбірі" республикалық домбырашылар челленджі
«Қасиетті Наурыз -амандық, бірлік, мейірімділік
пен өзара сыйластық мерекесі.»
«Біздің халқымыздың рухын көтеретін
домбыраға әр үйде құрметті орын берілген.
Домбыра-қазақ халқының жаны»
Қасым-Жомарт Тоқаев
Наурыз мерекесіне орай «Күй күмбірі» республикалық домбырашылар челленджі ұйымдастырылып, Қ.Сағырбаевтың «Адай» күйі орындалды.
Наурызнама-20 наурыз Ұлттық спорт күні!
Ұлттық ойындар-ата-бабаларымыздан бізге қалған байлығымыз,асыл қазынамыз. Бұл ұлттық ойындардың мән-мағынасы тереңде жатыр. Қазақ халқы ертеден барлық мерекеде жарыс ұйымдастырған. Мектебімізде ұлттық спорт түрлерінен асық ату, тоғызқұмалақ ойындары ұйымдастырылды.
Терроризм және діни экстремизмнің алдын алу
Террористік және діни экстремизмдік көріністерге қарсы күрестің негізгі бағыттарының бірі олардың алдын алу. Терроризммен күресу ғана емес, оның пайда болуының алдын алу керек екенін есте ұстаған жөн.
Балаларға террористік және діни экстремистік қауіп жағдайындағы мінез-құлықтың негізгі ерекшеліктері мен түсініктері туралы білім беру, балаларды қоғамдық орындарда қауіпсіз мінез-құлық дағдыларына үйрету, жеке қауіпсіздік негіздерін қалыптастыру, қауіпсіздік ережелерін сақтауға саналы көзқарасты дамыту үшін жүйелі жұмыстар жүргізілуде.
Мектеп оқушыларына сынып сағаттарында және сабақтан тыс ұзақ үзілістерде «Терроризм және діни экстремизмнің алдын алу» тақырыбында дайындалған бейнероликтер көрсетіліп, профилактикалық түсіндіру жұмыстары жүргізілді.
Назад
Далее
19 наурыз-Жаңару
14-23 наурыз айы аралығында «Наурыз-базарлық» маусымы жоспарына сай, 19 наурыз күні -Жаңару деп аталды.
Бұл күні оқушылар мен мұғалімдердің, мектеп қызметкерлерінің қатысуымен көктемгі ағаш дәстүрі ұйымдастырылып, ағаштарға күтім жасау жұмыстары жүргізілді.
"Дін мен дәстүр" дөңгелек үстелі
2023-2024 оқу жылына арналған «Діни экстремизм мен терроризмнің алдын алу» іс-шара жоспарына сай, әлеуметтік педагог, құқық пәнінің мұғалімі — Г.Шорбасова оқушыларға «Дін мен дәстүр» тақырыбымен дөңгелек үстел өткізді.
Мақсаты: қатер төндіретін діни жат ағымдардан сақ болу, терроризмнің алдын алу, олардан елімізге келтіретін зардаптарды жан-жақты түсіндіріп, оқушыларды Отан сүйгіштікке тәрбиелеу.
18 наурыз - Ұлттық киім күні.
14-23 наурыз айы аралығындағы «Наурыз — базарлық» маусымы іс-шара жоспарына сай, 18 наурыз- Ұлттық киім күні, ұлттық киімді ұлықтайтын күн болып атап өтілді.
Ұлттық киім-кез-келген халық мәдениетінің ажырамас бөлшегі, бүтін ұлттың бет-бедерін айқындар ұлан-ғайыр тарих. Ұлттық киімге арналған бұл күн ата-бабамызды, ұрпақтан-ұрпаққа жалғасып келе жатқан әдет-ғұрыптарды еске алатын ерекше кезең.
Мақсаты: ұлттық құндылықты насихаттау, қазақтың салт-дәстүріндегі ұлттық өнегені оқушылар бойына дарыту, елге, жерге, ұлттық мәдениетке деген сүйіспеншілік сезімін оятып, отансүйгіштікке тәрбиелеу.
Өз ұлттық киімімізді өзіміз дәріптеу арқылы салт-дәстүрімізді, әдет-ғұрыптарымызды, рухани құндылықтарымызды ұлықтап жүрейік!
#Біртұтас тәрбие
#Наурызнама
Назад
Далее
14-23 наурыз айы аралығындағы "Наурыз-базарлық" маусымы
14-23 наурыз айы аралығындағы «Наурыз-базарлық» маусымы іс-шара жоспарына сай, 15 наурыз-Қайырымдылық, Мейірімділік пен Татулық күні.
Мектебімізде қолдауды қажет ететін мұқтаж отбасы балаларына әр жыл сайын қолдау көрсетіп, «Мектепке жол» акциясына үзбей қатысып қайырымдылық көрсетіп келе жатқан — кәсіпкердің бірі, әрі ата-ана- Шәмединова Ақсырға.
Әлеуметтік педагог- Г.Шорбасова кәсіпкер ата-анамызды мерекемен құттықтап, марапаттап, мектеп әкімшілігі атынан ризашылық білдіріп қайтты.
Назад
Далее
14 наурыз -Көрісу күні-Амал мерекесі
14 наурыз — «Көрісу күні -Амал мерекекесі» тақырыбында дәстүр бойынша туған-туыстарға, көршілерге, жасы үлкен кісілерге сәлем беруді ұйымдастыру тапсырмасына орай, ұжымның ұстаздар қауымы мен оқушылар марқұм Еділханов Сайком атаның зайыбы Бердіғұлова Тілектес ананың отбасына барып, қол беріп көрісіп, Амал мерекесімен құттықтап қайтты.
«Жеңгесі жақсы қандайды....» мектепішілік сайысы
Мақсаты: Адамгершілік қасиеттерін, жеңге мен қайын сіңлінің арасындағы өзара сыйластық, бір — біріне деген сүйіспеншілікті нығайтып, ана мен бала, жеңге мен қыз арасындағы тәрбиені одан әрі дамыту, Отанын, тілін, қазақы салт — дәстүрді құрметтей білуге үйрету. Қазақ қыздарына тән инабаттылық, имандылық, әдептілікке тәрбиелеуде қыз бен жеңгелерінің алатын орны ерекше екендігіне тоқталу; ұлттық салт-дәстүрді қадірлеуге, туыстық қатынас, жеңгесінің орны мен рөлін ұғынуға тәрбиелеу.
Сайыс 5 кезеңнен тұрады.
1. «Қане, таныс болайық!». Таныстыру.
2. «Жеңгеммен бірге пісірген дәмді ас». Үй тапсырмасы.
3. «Бұрымды ару». Шаш өру.
4. «Өнерпаз болсаң арқалан!». Өнер көрсету.
5. «Ата мұраң – асыл қазынаң». Дәстүрге байланысты
сұрақтар.
Әділқазылар алқасының төрайымы:
ДТЖО- Серикова Гульшат Кошахановна
Мүшелері:
1. Аудандық аналар кеңесінің төрайымы: Абдуллаева Түймеш
2. Мектепшілік ата-аналар кеңесінің төрайымы:
Байжанақова Айнагүл
3. Полиция лейтенанты, мектеп инспекторы-
Кенжеахметова Салтанат Муратовна
Сайысқа 4 жеңге 4 қайынсіңлісімен қатысты.
1. Ермұханова Ақырыс — 10 «ә» сынып оқушысы, жеңгесі-Айшабибімен
2. 9 «а» сынып оқушысы — Сайкомова Жанель, жеңгесі Айдарсұлумен
3 9 «ә» сынып оқушысы — Таубай Ақнұр, жеңгесі Бикетаймен
4. 9 «б» сынып оқушысы – Аманкелдиева Ақниет, жеңгесі Фаримамен
Жеңімпаздар демеушілердің көмегімен марапатталды.
«Айтыман» дүкенінің иесі, кәсіпкер-Әлімбаева Құралай, «Мақпал» сауда орталығының иесі, кәсіпкер- Шәмединова Мақпал, дене пәнінің мұғалімі- Іңкәр Оразымбетова демеушілік көрсетті.
«Менің сүйікті кітабым»
2024 жылдың наурыз айының 6 күні кітапханашылардың ұйымдастыруымен бастауыш сынып оқушыларына арналған «Менің сүйікті кітабым» атты шара өткізілді. Шарада жұмбақтар жасырылып, оқыған ертегілерінен үзінді айтып, сұрақтар қойылды.
Мақсаты: Оқушыларға кітаптың адам өміріндегі орны туралы түсінік беру. Кітапқа деген оқушылардың қызығушылығын арттыру, сөйлеу мәнерін дамыту,танымдық-ойлау қабілетін,зейінін қалыптастыру. Оқушы бойында өз бетімен кітап оқып білім алуға дағдыландыру, білімнің кітапта екенін ұғындыру.
Ұлттық киім күні
Бүгін 05.03.2024 жылы мектебімізде ата-бабамыздан мұра болып жеткен асыл қазыналарымыздың бірі ұлттық киім кию сән ғана емес, халқымыздың өнегелі тәлім-тәрбиесін, бай ұлттық болмысымызды жас ұрпаққа насихаттау мақсатында «Ұлттық киім»күні өтті. Мектебіміздің 1-11 сынып білім алушылары ұлттық киімді насихаттауға белсене атсалысты.
"Арайлы Атамекенім" челленджі
1 наурыз- Алғыс айту күніне орай 28 ақпан — 3 наурыз күндері аралығында «Арайлы Атамекенім» челленджінің Тұжырымдамасына сай мектеп оқушыларының ризашылықтары мен алғыстары жолданды.
Мақсаты: ортақ тарихи жады, барлық қазақстандықтар арасындағы бейбітшілік пен келісім негізінде Қазақстан халқының бірлігі мен қазақстандық бірегейлікті нығайту, патриотизмге, жауапкершілікке және рухани дамуға, адамдарға және қоршаған ортаға жақсы қарым-қатынас орнатуға тәрбиелеу.
"Алғыс айту күні" мерекесімен 1-2 сынып оқушыларының алғыс айтып, құттықтаулары!
1-Наурыз «Алғыс айту күні»мерекесіне 1-2 сынып оқушылары өз жүрек жарды алғыстарын айтып, құттықтауларын жолдады.
Мақсаты: оқушылардың мейірімді,қайырымды,бауырмал болуға тәрбиелеу.
Ата-аналарды педагогикалық қолдау сабағы
Атаналарды педагогикалық қолдау бағдарламасы бойынша 1 — 4 сынып оқушыларының ата-аналарына «Білімдіге дүние жарық. Таным қуанышы: баланың қызыға оқуына қалай көмектесемін?» тақырыбымен 3 б сынып жетекшісі — Г.Молдаева педагогикалық қолдау сабағын өткізді.
Мақсаты: мектептің оқу процесіне сәтті бейімделуі үшін бағдарламалардың когнитивтік дағдыларын дамытуға ата-аналардың дайындығын қалыптастыру.
"Мақал-сөздің азығы, жұмбақ-ойдың қазығы"
«Балалар кітапханасы» жобасын іске асыру шеңберінде кішкентай бүлдіршіндердің ой-өрісін, ойлау дағдысын, сөйлеу мәнерін жетілдіру мақсатында мектепалды даярлық сыныптарында «Мақал-сөздің азығы, жұмбақ-ойдың қазығы» атты ертеңгілік шарасы ата-аналардың қатысуымен өткізілді. Шараға өте жақсы белсене қатысқан бүлдіршіндер марапатталды.
Кеңес әскерлерінің Ауған жерінен шығарылғанына 35 жыл "Ауған-сөнген шоқ, өшкен арман, тек сенен есте қалған....."
14 ақпан күні Ауған Кеңес әскерлерінің Ауған жерінен шығарылғанына 35 жыл толуына арналған Ауған соғысының ардагер жауынгерлері-Сарғұлов Орынғали және Кенжебаев Қайырғали ағалармен кездесу өткізілді.
Мақсаты: Оқушыларға Ауған соғысы жайлы толық мәлімет беру, ардагер ағалармен ашық әңгімелесу, сұхбаттасу;
Өз Отанына шексіз берілген, патриоттық рухы жоғары, қайсар жауынгер ағалардың ерлігін үлгі ету;
Ауған соғысында опат болған жауынгерлердің рухына тағзым етуге, есімдерін қастерлеуге тәрбиелеу, оқушыларға патриоттық тәрбие беру.
Кездесуде ардагерлер Ауған соғысына қалай қатысқандары жәйлі әңгімелеп берді. Оқушылармен сұхбаттасып, олардың қойған сұрақтарына жауап берді.
Өтер жылдар, айлар тағы алыстап
Тағдыр талай тауқыметін табыстар.
Өздеріңді жырлап өтер ұрпағың,
Ауғандағы азап шеккен арыстар!-деп ақын жырлағандай, Ауғанстан соғысында қаза тапқан жауынгрлер 1 минут еске алынды.
Оқушылар ардагерлер жауынгерлерге арнайы дайындаған әндерін орындап, өз өнерлерін көрсетті.
🔰2-4 СЫНЫПТАР АРАСЫНДА "БАСТАУ" РЕСПУБЛИКАЛЫҚ ОЛИМПИАДАСЫНЫҢ МЕКТЕПІШІЛІК КЕЗЕҢІ БОЛЫП ӨТТІ.
2024 жылдың 5-7 ақпан күндері 2-4 сыныптар арасында «Бастау» олимпиадасының мектепішілік кезеңі болып өтті.
Олимпиаданың мақсаты – бастауыш сынып оқушыларының математикалық қабілеттері ерекше дамыған дарынды балаларды айқындау, қолдау, математикадан білімдерін тереңдету және кеңейту.
Олимпиада 3 кезеңнен тұрды.
Іріктеу кезеңге мектеп бойынша 2, 3, 4 сыныптардың барлық оқушылары қатысты. Олимпиаданы қорытындысы бойынша ең жоғары ұпай санын жинаған оқушылар 1 дәрежелі, 2 дәрежелі, 3 дәрежелі дипломдармен марапатталды.
Назад
Далее
"Әкелердің мектептегі бір күні" ашық есік күні
9 ақпан күні «Әкелер мектебі» және «Даналық мектебі» жобалары аясында аталар мен әкелердің қатысуымен «Әкелердің мектептегі бір күні» ашық есік күні өткізілді.
Мақсаты: әкелер мен мектеп арасындағы қарым-қатынас байланысты нығайту, бабаларымыздан келе жатқан рухани дәстүрімізді, құндылықтарымызды аталардың қатысуымен насихаттау, позитивті ата-ана мәдениетін қалыптастыру.
«Даналық мектебі» клубының «Ата өсиеті» секциясының «Бабалар дәстүрі-ұрпаққа өсиет» тақырыбымен шебер сабағы өткізіліп, оқушыларға бата беру туралы, батаның түрлерімен таныстырылып, әкелер мен аталар топқа бөлініп бата түрлерін талқылады.
Шара соңында Ш.Байпақов ата мектеп оқушыларына бата берді.
Ақиық ақын М.Мақатаевтың туған күнімен тұспа-тұс өткізілген шарада оқушылар М.Мақатаевтың өлеңдерін оқып, әндерді орындады.
Педагог психолог Ж.Махамбет әкелерге арналған тренинг өткізіп, мектеп инспекторы, С.Кенжеахметова әкелермен кездесіп, балалар тәрбиесі мен құқықбұзушылық туралы қысқаша ақпарат берді.
Қазақстан суретшісі Әбілхан Қастеевтың туғанына 120 жыл
Қазақстан суретшісі — Әбілхан Қастеевтің туғанына 120 жыл толуына орай, «Біртұтас тәрбие бағдарламасын» іске асыру бағдарламасы бойынша мектептің аға тәлімгері — А.Закарина мен көркем еңбек пәні мұғалімдері суретшінің туындыларынан көрме ұйымдастырып, «Суреттер сыр шертеді» атты сурет байқауын ұйымдастырды.
Мақсаты: оқушыларды қазақстандық суретші — Әбілхан Қастеевтің өмірімен және оның туындыларымен таныстыру.
"Жеткіншектің жеті жарғысы"
«Жеткіншектің жеті жарғысы» жобасы аясында «Құқықтық сауаттылық» тақырыбында жасөспірімдерге арналған семинар-тренинг
«Жеткіншектің жеті жарғысы» жобасы аясында құқықтану пәнінің мұғалімі -Г.Шорбасова 9 сынып оқушыларына «Құқықтық сауаттылық » тақырыбында семинар-тренинг өткізді.
Мақсаты: оқушылардың құқықтық сауатын арттыру, оқушыларды өз құқын қорғай білуге тәрбиелеу , үйрету.
"Ертегілер еліне саяхат" байқауы
«Біртұтас тәрбие бағдарламасының» ақпан айына арналған жоспарына сай 2-4 сынып оқушылары арасында ертегі айтудан және және 5-6 сынып сынып оқушылары арасында ертегілерден көрініс көрсетуден «Ертегілер еліне саяхат» атты байқау өткізілді.
Мақсаты: оқушыларды ертегі айта білуге үйрету, ертегілер кейіпкерінің рөлін сомдай білуге баулу.
Жеңімпаз оқушылар анықталып, марапатталды.
"Біз салауатты өмір сүреміз! командалық спорттық ойындар жарысы
Наркологиялық бекет жұмысының жоспарына сай және спорттық нұсқаушылар: Н.Жаңбырбаев пен Е.Балсейітовтің ұйымдастыруларымен «Біз салауатты өмір сүреміз!» атты баскетбол ойынынан командалық жарыс өткізілді.
Мақсаты: жасөспірімдерге салауатты өмір салтын насихаттау, олардың спорттық ойындарға қызығушылықтарын арттыру.
"Жеткіншектің жеті жарғысы" жобасы аясында "Заң және тәртіп"
«Жеткіншектің жеті жарғысы» жобасы аясында «Заң және тәртіп» тақырыбы бойынша өткізілген дөңгелек үстел
«Жеткіншектің жеті жарғысы» жобасы аясында «Заң және тәртіп» тақырыбы бойынша жасөспірімдер арасында қылмыс және құқықбұзушылықтың, нашақорлықтың, темекі, насыбай, электронды темекі шегу, жол-көлік оқиғасының, жыныстық тиіспеушіліктің, бопсалаудың, төбелестің, зорлық-зомбылықтың алдын алу мақсатында 24 қаңтар күні Маңғыстау аудандық прокурорының орынбасары-Саматов Нұрат Саматұлының қатысуымен 8-11 сынып оқушыларына дөңгелек үстел ұйымдастырылып, түсінік жұмысы жүргізілді.
Оқушыларға «Заң және тәртіп» тақырыбы бойынша сұрақтар қойып, командалық ойындар ұйымдастырып, оқушылардың қойған сұрақтарына жауап беріп, дөңгелек үстел, аяғында мектептің ішкі есебінде тұрған оқушылармен жеке әңгімелесу жүргізілді.
"Жас құтқарушылар"
«Жас құтқарушылар» тобының жоспарына сай жол қозғалысы қауіпсіздігін сақтау туралы сынып сағаттары және алғашқы медициналық көмек көрсету практикалық сабағы.
«Жас құтқарушылар» тобының жоспарына сай және Білім басқармасы ҚР бас прокуратура құқықтық статистика және арнайы есепке алу жөніндегі комитетінің Маңғыстау облысы бойынша департаментінің №2-21-24-00053 хатына орай, Маңғыстау облысы әкімі Н.А.Ноғаевтың 2023 жылғы 9 қарашадағы № 89-Ө өкімімен жол-көлік оқиғаларының себептерін зерделеу, қауіпсіздік деңгейін арттыруға бағытталған шаралар мен ұсыныстар әзірлеу мақсатында ведомствоаралық жұмыс тобы отырысының 2023 жылғы 25 желтоқсандағы №1 хаттамасының 4 тармағын орындау мақсатында мектепте жол қозғалысы қауіпсіздігін сақтау туралы сынып сағаттары және алғашқы медициналық көмек көрсету қағидалары бойынша мектеп медбикесі – М.Аженова оқушыларға практикалық сабақ өткізді.
Мектеп медбикесі алғашқы медициналық көмек оқыс оқиға болған орында зардап шеккен немесе күрт науқастанған адамға «жедел жәрдем» келгенге дейінгі алғашқы медициналық ем шараларын жасау екендігін, алғашқы медициналық көмек жәбірленуші қандай жарақат алуына қарай көрсетілетіндігін айтып түсіндіріп, практикалық тұрғыда оқушыға алғашқы көмек көрсетті.
Алғашқы медициналық көмектің түрлерімен: қан кету, сүйек сынғанда, улану, алкогольмен улану, тамақтан улану, күйік шалған кезде, үсік шалғанда, суға батқанда т/б түрлерімен таныстырылды.»
"Қызылшаның алдын алу"
Қазіргі кезде қызылша сияқты инфекциялық ауру бойынша эпидемиологиялық жағдай тұрақты емес. Соңғы жылдары Европаның көптеген елдерінде қызылшамен сырқаттану байқалады. ДДҰ қызылшамен сырқаттанудың себебін қызылшаға қарсы вакцинамен аз қамтылуымен байланыстырып отыр. Бұл Қазақстан аумағына осы инфекцияның әкелінуі және егілмеген тұрғындар арасында оның тез таралу қаупін арттырады. Осы мақсатта мектеп мейірбикесі М.Әженова мектеп ұжымына және оқушыларға қызылшадан қорғанудың бірден-бір жолы екпе екендігі туралы түсінік жұмысын жүргізді.
"Құмар ойындарын қалай тыямыз?" тақырыбында пікірсайыс өтті.
«Б.Жұмалиев атындағы жалпы білім беретін мектеп» КММ-де жасақталған іс-шара жоспарына сәйкес «Жігер» дебат клубының мүшелері арасында «Құмар ойындарын қалай тыямыз?» тақырыбында пікірсайыс өткізілді.
Мақсаты: оқушыларды кез келген ортада ойын еркін әрі жүйелі жеткізуге дағдыландыру, сөздік қорын молайту.
Дебат ойыны «Америкалық парламенттік форматы» бойынша өткізілді. Ойынға 2 топ, әр топта 2 спикерден қатысты.
Талқыланған сұрақтар:
1. Қазіргі қоғамда құмар ойындарын қалай жоюға болады?
2. Ел болу үшін қандай іс-шаралар жүргізіліп отырады?
Ойын жоғары дәрежеде өтіп, спикерлер өз аргументтерін фактілермен дәлелдеп, жан-жақты ізденіп, өз ойларын ашық жеткізді және ұшқыр ойлары мен ұтымды дәлелдерін келтірді.
«Үкімет» фракциясы жеңіске жетіп, І, ІІ дәрежелі дипломмен марапатталды.
"Жас құтқарушылар" тобының іс-шара жоспарына сай білім алушылардың қауіпсіздік мәдениетін арттыру
Төтенше жағдайлар адам өміріне қауіп төндіреді. Олар өндірістік апат, террористік акт, әскери операциялар, көшкін, жер сілкінісі, сең жүру сияқты табиғи апат салдарынан да болуы мүмкін.
2023-2024 оқу жылына арналған «Жас құтқарушылар» тобының іс-шара жоспарына сайжәне білім алушылардың қауіпсіздік мәдениетін арттыру бойынша бірлескен жұмыс жоспарына, 2024 жылдың 1-тоқсанында «Заң және тәртіп идеологемасын ілгерілету жөніндегі» іс-шаралар жоспарына сай мектебімізде 10 сынып оқушысы- Әди Парасат Маратұлы Төтенше министрі болып тағайындалып, «Объективте -«Қауіпсіздік» акциясы бойынша төтенше жағдайлардың алдын алу, оқушылардың қауіпсіздігін сақтау, өрт сөндіру құралдарын өрт шыққан жағдайда қалай пайдалану керектігі жөнінде мағлұмат беру, төтенше жағдайлар кезіндегі ескеретін қауіпсіздік ережелерін үйрету үшін, аудандық Төтенше жағдайлар инспекторларымен «Өрт қауіпсіздігіне қойылатын талаптар» тақырыбында оқу-жаттығу сабағы ұйымдастырылды.
Оқушылар қызметкерлермен бірге қауіпсіздік ережесін қалай сақтау керек екендігін үйренді.»
Қазақтың ұлттық ойындары
"Жасөспірімдер арасында қылмыс пен құқық бұзушылықтың, нашақорлықтың, жол-көлік оқиғасының, жыныстық тиіспеушіліктің, бопсалаудың, төбелестің, зорлық-зомбылықтың алдын алу"
«Жасөспірімдер арасында қылмыс пен құқық бұзушылықтың, нашақорлықтың, жол-көлік оқиғасының, жыныстық тиіспеушіліктің, бопсалаудың, төбелестің, зорлық-зомбылықтың алдын алу» мақсатында, ЖПҚб ЮПТ-ның аға инспекторы полиция майоры А. Жалғасбаевтың қатысуымен 7 а,ә,б сынып оқушыларымен кездесу өткізіліп, түсіндірме жұмысы жүргізілді. Оқушылардың көкейіндегі сұрақтарға жауап берілді.
Аға инспектор жасөспірімдерге болған оқиғалардан фактілер келтіре отырып, қауіпті, жағымсыз әрекеттерден аулақ жүру, сақтану туралы заң ережелерімен таныстырып шықты.
